Feiar - fast stilling, 100 %
Sveio kommune har ledig stilling som feiar. Organisatorisk høyrer stillinga til Sveio brann- og redningsvesen, med avdelingsleiar for førebyggjande avdeling som næraste overordna.
I kommunen er det om lag 2000 piper og 2600 eldstader/fyringsanlegg. Feiing blir som hovudregel utført annakvart år og tilsyn kvart fjerde år. Arbeidstida er 37,5 timar pr. veke.
Hovudarbeidsoppgåver:
· Feiing av piper, om lag 1000 pr. år.
· Tilsyn med eldstader og fyringsanlegg i bustadhus, i snitt om lag 650 pr. år
· Informasjon og rettleiing til innbyggjarane i kommunen om brannvern og fyring m.m.
Kvalifikasjonar:
· Primært blir det søkt etter personar med minimum sveinebrev i feiarfaget.
· Interesserte med annan bakgrunn blir likevel sterkt oppmoda om å søkja, men må forplikta seg til å gjennomføra nødvendig opplæring (som blir dekka av arbeidsgjevar).
· Kjennskap til elektronisk tekstbehandling og bruk av PC som arbeidsverktøy er nødvendig.
· Førarkort klasse B.
· God skriftleg og muntleg framstillingsevne vil bli vektlagt saman med evne til å arbeida sjølvstendig og kunna ta initiativ.
· Det må leggjast fram politiattest før tilsetjing.
Me tilbyr:
· Nødvendig opplæring og vidare utvikling innanfor feiarfaget.
· Løn etter avtale.
· Mogeleg deltaking i brann- og redningstenesta i kommunen (eigne krav m.o.t. beredskapen).
Kontaktperson:
Brannsjef Bjarne Hetlesæter, tlf. 977 048 25 eller e-post [email protected]
Det er ønskjeleg at den som blir tilsett i stillinga kan byrja innan kort tid.
Søkjarar til stillinga blir oppmoda om å bruka digitalt søknadsskjema som er å finna på https://e-skjema.no/sveio
Alternativt kan skriftleg søknad med kopiar av vitnemål og attestar (som ikkje blir returnerte) sendast Sveio kommune, postboks 40, 5559 Sveio.
Søknadsfrist:
Onsdag 20. juli 2011. |
