To stipendiatstillingar: Ulmebrann
Høgskolen Stord/Haugesund (HSH) lyser ut to stipendiatstillingar med tema ulmebrann. Ved HSH har det vore forska på ulmebrann sidan 2008, og HSH er no tildelt eit større forskingsprosjekt innan området: Emerging Risks from Smoldering Fires (EMRIS). Prosjektet er i hovudsak finansiert av Norges forskningsråd.
Stipendiatane skal arbeida fram mot doktorgradar (PhD) under EMRIS-prosjektet, og delta i ulike samarbeidsaktivitetar under prosjektet. Arbeidsstad blir HSH i Haugesund. Vidare vil det inngå korte forskingsopphald ved samarbeidande institusjonar (EMRIS-partnarar) i Tyskland og Sverige, deltaking på internasjonale konferansar og kontakt med industriverksemder der ulmebrann er ei utfordring.
Det er planlagt at den eine stipendiaten skal arbeida eksperimentelt med ulming i biomaterial som trepellets, medan den andre skal ha hovudvekt på numerisk modellering av fleire ulike ulmeprosessar som blir studerte i EMRIS-prosjektet. Men ei anna vektlegging av eksperimentelt arbeid i høve til numerisk modellering kan diskuterast.
Kvalifikasjonar
Søkarar må vera ferdige med ein mastergrad innan eit relevant fagområde. Erfaring eller utdanning innan brannrelaterte fag vil bli vektlagt, men er ikkje ein føresetnad. Ein ønskjer tilsetjing så snart som råd.
Lønsvilkår
Stillingane blir løna i samsvar med hovudtariffavtalen i staten, kode 1017 stipendiat. Stipendiatane vil få medlemskap i Statens pensjonskasse.
Kontaktpersonar
Dekan Monika Metallinou Log, tlf. 52 70 26 49, mobil 988 25 104, e-post: [email protected]
Prosjektleiar Vidar Frette, tlf. 52 70 26 73, mobil 480 27 451, e-post: [email protected]
Søknad vedlagt CV sender ein elektronisk. Vitnemål, attestar og publikasjonar kan ettersendast etter avtale.
Arbeidsstad/arbeidssted:
Haugesund
Søknadsfrist: 01.12.2014
Søk her: EasyCruit sine sider! |
